Ересек «Бауырсақ» тобында «Анашым-күнім» атты 04.03.2021 жылы «8-наурыз халықаралық әйелдер күніне» арналған ертеңгілік өткізілді.
Мақсаты: мерекелік көңіл-күйін құру; ән және қозғалыс орындаушылық дағдыларын қалыптастыру. Аналар мерекесімен бірге күннің нұрын төгіп келген көктем мерекесінің ерекшеліктерін атай отырып, табиғаттың жаңаруын, құлпыруын балаларға жеткізу. Ана еңбегін қадірлей білуге үйрету.
Ертеңгілік «Анашым Анажаным» әнімен басталды. Балалар аналарға арналған өлең шумақтарын айтты. Қатыгез Қар Ханшайымы келіп, Көктем ханшайымының мәңгілік ұйқыға кеткенін, оның келмейтінін айтты. Балалар көктем туралы ән айтып, Көктем ханшайымын ұйқыдан тұрғызады. Көктем ханшайымына өлең шумақтарын арнап, «Анасының көмекшісі» ойынын ойнады.
Әже туралы жұмбақ шешіп, әжелерге өлең шумақтарын айтты.
Жаңбыр қонаққа келді. Балалар Жаңбырға билерін билеп өз өнерлерін көрсетті. Жаңбырмен «Қолшатыр» ойынын ойнады.
Ертеңгілік «Анамызға мың алғыс» өлең шумақтарымен аяқталды.
Балаларымыздың дендері сау болсын, өнерлері өрге жүзсін.
