2019 жылдың 26 желтоқсан күні № 12 «Салтанат» бөбекжайының «Бауырсақ» және «Раушан» топтарында Жаңа жыл мерекесіне орай «Ертегілер елінде, Жаңа жылдың төрінде» атты Жаңа жылдық ертеңгіліктер болып өтті.
Балаларға көтеріңкі көңіл-күй сыйлау мақсатында балабақша қызметкерлері әртүрлі кейіпкерлердің бейнесін сомдап, ертегі әлемінен қойылымдар қойды. Кішкентай бүлдіршіндеріміз ертегі кейіпкерлерімен бірге қызықты оқиғалардың куәсі болды. Кейіпкерлермен бірге ертегі әлеміне саяхат жасаған балалар мәз-мейрам болып, жасыл шырша жанында ән айтып, би биледі. Аяз Ата мен Ақшақар балаларға жаңажылдық сыйлықтар таратты. Ертеңгіліктерге қатысушы ата-аналар балаларының өнерлерін тамашалап, жақсы көңіл-күйде болып, балабақша ұжымына ризашылықтары мен тілектерін білдірді.
{gallery}-/4{/gallery}
